Dit jier hat 'it doarp Eastermar' foar it earst meidien oan Lemmer Ahoy. Trije dagen en fjouwer wedstriden, in moaie ûnderfining. De 'Ea' sylde yn de earste klasse yn in ploech fan 25 skûtsjes út de SKS en de IFKS-A.
De earste dei wie der net folle wyn en koe der syld wurde mei it nije lichtwaar-túch. In 13e plak wie it risseltaat en skipper Geale Tadema wie hiel tefreden.
Op dei twa wie it waar al even oars. Der stie in flinke wyn út it noardeasten. It lichtwaar-túch waard dy moarn omruile foar in túch dat wat mear wyn hawwe kin. Mar omdat men noch net folle ûnderfining mei dit túch hie, stie moarns de trim net hielendal optimaal en koe der net genôch hichte halden wurde. Oare skûtsjes koene heger en ús skûtsje eindigde dêrom yn in teleurstellend 22e plak. Mar de middeis koe der revâns nommen wurde. En dat slagge. Mei dikke pûsters fan oer de fjouwer en in rif yn it grutseil sylde men nei in 11e plak.
Op sneon wie it de lêste syldei en ek op dizze dei oan wyn gjin gebrek. De bemanning moast der fol tsjin oan. Keurich yn de middenmoat kamen sy as 14e oer de streek. Yn it einklassemint kaam Eastermar op in 17e plak te stean mar wyt dat it goed stân hâlde kin tusken de konkurrinsje want foar de 'Ea' sitte yn dit klassemint mar 6 IFKS skippen!
En de nije swurden? Dy foldogge poerbêst.
De folseine útslach
-
-
- Informatie
- 06 maart 2024
Skûtsjejûn SIES 2024
De Skûtsjejûn waard goed besocht, de seal yn't Breed siet fol. Fierder lêze » -
- Informatie
- 12 februari 2024
Winterferljochting skûtsje Ea wer opburgen
Wy wienen dit jier wat letter, mar de winterferljochting leit wer yn de 'simmeropslach'. Fierder lêze » -
- Informatie
- 23 januari 2024
Nijjiersgearkomste SIES
Freedtejûn 19 jannewaris hienen wy in tige slagge nijjiersgearkomste foar bestjoer, bemanning en oan... Fierder lêze » -
- Informatie
- 19 december 2023
Nieuwe sponsor voor Stifting it Eastermarder Skûtsje
Wij verwelkomen Movere Media als nieuwe sponsor! Fierder lêze » -
- Informatie
- 06 december 2023
Skûtsjewijnactie 2023
Hoewel inflatie, grondstofprijzen en kosten voor materiaal de afgelopen jaren almaar toenamen, heeft... Fierder lêze »