Mei help fan de kraan fan Leanbedriuw Veenstra, bestjoerd troch Sjouke Veenstra sels, hat in part fan de skûtsjebemanning saterdeitemoarn de mêstwiksel útfierd. It wie net in noflik kerwei, want der stie in straffe noardewyn en der siet aardich kjeld yn: “Strûpstjerrende kâld”, wie ien fan ‘e brûkte waarkwalifikaasjes.
Foardat it ta wie oan ‘e feitlike wiksel fan ’e ‘wintermêst’ (dy’t brûkt wurdt foar de sfearfolle ferlochting yn ‘e tsjustere moannen) mei de wedstriidmêst fan in lytse 20 meter, moast dy lêste earst út de loads fan Okkema Ynstallaasjes helle wurde. Dat ‘transport exceptionelle’ fûn plak mei de spesjaal dêrfoar makke karre en gie troch de buorren. De bocht tusken ’t Breed en Snakkerbuorren koe krekt helle wurde mei dizze lange mêst…
It omsetten fan ‘e mêst barde net spesjaal foar in eventuele silerij dizze simmer. Nee, de wedstriidmêst moast pleatst wurde omdat de nije midwaarfok ynmetten wurde moat. En… as der dochs syld wurde kin, is dit wurk mar fêst dien. Ek waard de oanwêzichheid fan ‘e Veenstra-kraan brûkt om de lierekast wer op ’t skûtsje te setten.
Nei in bak kofje en spesjaal troch Sees Tadema bakte peaskehazzekoeken - mei nútsje! - koe de wintermêst op ‘e karre en foar opslach en ûnderhâld nei Okkema’s loads riden wurde. Mei it útsprekken fan ‘e hoop dat der dit jier wól IFKS-wedstriden syld wurde kinne, gie de ploech wer op hûs oan.
Mêstwiksel Skûtsje Ea
-
-
- Informatie
- 06 maart 2024
Skûtsjejûn SIES 2024
De Skûtsjejûn waard goed besocht, de seal yn't Breed siet fol. Fierder lêze » -
- Informatie
- 12 februari 2024
Winterferljochting skûtsje Ea wer opburgen
Wy wienen dit jier wat letter, mar de winterferljochting leit wer yn de 'simmeropslach'. Fierder lêze » -
- Informatie
- 23 januari 2024
Nijjiersgearkomste SIES
Freedtejûn 19 jannewaris hienen wy in tige slagge nijjiersgearkomste foar bestjoer, bemanning en oan... Fierder lêze » -
- Informatie
- 19 december 2023
Nieuwe sponsor voor Stifting it Eastermarder Skûtsje
Wij verwelkomen Movere Media als nieuwe sponsor! Fierder lêze » -
- Informatie
- 06 december 2023
Skûtsjewijnactie 2023
Hoewel inflatie, grondstofprijzen en kosten voor materiaal de afgelopen jaren almaar toenamen, heeft... Fierder lêze »